13 մթերք առողջ ստամոքսի համար.

Ստամոքսը զգայուն օրգան է ու համապատասխան մոտեցում է պահանջում: Ուտելուց հետո ստամոքսում ծանրության զգացումն արդեն իսկ մարսողության խնդրի արտահայտություն է: Աղեստամոքսային համակարգի հիվանդությունները հնարավոր է կանխել ճիշտ սնվելու շնորհիվ:

Բրոքոլին կաղամբի բոլոր տեսակներից, թերևս, ամենաօգտակարն է: Այս բանջարեղենը հակաօքսիդանտ և բջջանքով հարուստ աղբյուր է:

Հացահատիկն ու թեփն օժտված են հակասեպտիկ հատկությամբ: Ստամոքսում ծանրության զգացման պարագայում թեփի եփուկն առաջարկվում է որպես հանգստացնող միջոց:

Գազարը հարուստ է կարոտինով ու օրգանիզմից դուրս է բերում թույները: А վիտամինի աղբյուր է:

Հատապտուղներն օրգանիզմի ամրապնդման ամենահամեղ միջոցն են:

Խնձորը պարունակում է պեկտին, որը կարող է կապակցել թունավոր նյութերը: Հարկ է զգուշանալ խնձորի թթու տեսակներից` աղեստամոքսային համակարգի հիվանդությունների դեպքում:

Ավոկադոն հարուստ է օրգանիզմի համար օգտակար բջջանքով: Ավոկադոյի միջոցով կարելի է ազատվել սակավարյունությունից ու ավիտամինոզից: Այն կարգավորում է նաև աղեստամոքսային համակարգի աշխատանքն ու նվազեցնում խոլեսթերինի մակարդակը:

Չոր մրգերից (չամիչ, ծիրանաչիր, սալորաչիր և այլն) ավելի համեղ ու օգտակար միջոց դժար թե գտնվի: Չրերը նաև վնասակար քաղցրավենիքի լավագույն այլընտրանքային տարբերակ են:

Ընկուզեղենը բավականին կալորիական են, սակայն նախընտրելի են ցանկացած տեսակի արագ սննդից:

Յոգուրտը, ինչպես նաև մյուս կաթնաթթվային մթերքները, բարելավում է մարսողությունը:

Օրական մի քիչ բազուկն ազատում է աղեստամոքսային համակարգի խնդիրներից:

Կտավատի սերմի եփուկն առաջարկվում է ստամոքսի խնդիրների դեպքում: Քաղցած ստամոքսին կտավատի սերմ ուտելու դեպքում նպաստում ենք օրգանիզմի մաքրմանը:

Մի փունջ կանաչեղենը վիտամինների ու հանքանյութերի իսկական գանձարան է, որն օգնում է պահպանել երիտասարդությունը, գեղեցկությունն ու առողջությունը: Հատկապես օգտակար են սամիթը, մաղադանոսն ու սպանախը:

Նորմալ մարսողության համար անհրաժեշտ է բավարար քանակությամբ ջուր խմել::

Ստամոքսի ցավից ազատվելու համար կարգավորեք ձեր սնունդը, վերլուծեք, թե ինչ եք ուտում, չափավորեք կամ բացառեք խմորեղենը, կծու ուտեստները, յուղոտ, մարինացված մթերքը, սուրճն ու գազավորված ըմպելիքը: Ավելորդ չէ ասել, որ ճիշտ սնվելու հետ պետք է չմոռանալ նաև ֆիզիկական ակտիվության մասին:

Հարցեր, պատասխաններ, մեկնաբանություններ